Resolución conxunta, do 1 de setembro de 2021, das Consellerías de Cultura,
Educación e Universidade e de Sanidade pola que se aproba o “Protocolo de
adaptación ao contexto da Covid-19 nos centros de ensino non universitario de
Galicia para o curso 2021-2022”.
O acordo do Consello da Xunta do 12 de xuño de 2020 (modiicado por acordo do
Consello da Xunta do 25 de xuño de 2020), sobre medidas de prevención necesarias
para facer fronte á crise sanitaria ocasionada polo COVID-19, unha vez superada a
fase III do Plan para a transición cara unha nova normalidade, estableceu previsións
especiicas para os centros educativos.
Con data do 13 de xuño de 2020 publicouse o Decreto polo que se declara a
superación da fase III do Plan para a desescalada das medidas extraordinarias
adoptadas para facer fronte á pandemia do COVID-19, aprobado mediante o Acordo
do Consello de Ministros do 28 de abril de 2020 e, polo tanto, a entrada na nova
normalidade, con efectos desde as 00.00 horas do día 15 de xuño de 2020.
Con data 22 de xullo de 2020 adoptouse a resolución conxunta das consellerías de
Educación, Universidade e Formación Profesional e de Sanidade pola que se aproba o
Protocolo de adaptación ao contexto da Covid-19 para o inicio do desenvolvemento
da actividade lectiva no curso académico 2020/2021 nos centros de ensino non
universitario de Galicia.
O 2 de xuño de 2021 o Consello Interterritorial do Sistema Nacional de Saúde
adoptou, en coordinación coa conferencia sectorial de educación, a declaración de
actuacións coordinadas en saúde pública fronte á Covid-19 para centros educativos
durante o curso 2021-2022.
Posteriormente publícase a “Orde comunicada da ministra de sanidade, de 4 de xuño
de 2021, mediante a que se aproba, en Coordinación coa conferencia sectorial de
educación, a declaración de actuacións coordinadas en saúde pública fronte á Covid-
19 para centros educativos durante o curso 2021-2022”.
